Policia italiane ka identifikuar trupin e njërit prej dy të rinjve shqiptarë që u gjetën të vdekur gjatë natës së kaluar në një minerë të braktisur në provincën e La Spezia.
Ai quhet Fabiol Kycyku, 19 vjeç. Familjarët e 19 vjeçarit kishin denoncuar në policinë italiane zhdukjen e tij të dielën e shkuar. Identiteti i shqiptarit të dytë ende nuk është konfirmuar nga autoritetet italiane.
Hetimet e para të mjekut ligjor kanë verifikuar se dy të rinjtë kanë humbur jetën rreth 3 ditë më parë në mënyrë aksidentale duke rënë nga një lartësi prej 40 metrash nga rruga bregetare që çon në territorin turistik “Cinque terre”. Në trupat e tyre nuk janë gjetur shenja dhune ose plagë të shkaktuara nga armë zjarri apo armë të ftohta.
Sipas hetuesve të çështjes Antonio Patrono e Federica Mariucci natën e zhdukjes së dy të rinujve, dy persona kanë tentuar të grabisin vilën e tij mjaft pranë gurores së braktisur.
Pronarët e shtëpisë kanë dëgjuar zhurmë e sapo kanë ndezuar dritën kanë parë dy trupa të largohen me shpejtësi jashtë banesës.
Supozohet se dy të rinjtë shqiptarë për shkak të errësirës kanë kapërcyer gardhin e gurores duke menduar se do të hynin në një zonë pyjore.
Aksidentalisht ata kanë rënë nga një lartësi prej 40 metrash e për momentin kjo është pista e vetme mbi të cilën po heton policia italiane për zbardhjen e plotë të ngjarjes.
