Autoritetet e drejtësisë italiane kanë vënë nën hetim imamin me origjinë shqiptare Enes Bledar Beshta, rezident në Xhenova të Italisë, sëbashku me 2 imamë të tjerë me origjinë arabe, rezidentë po në Itali, të dyshuar si bashkëpunëtorë me shtetasit sirian Mahmoud Jrad 23 vjeç, i arrestuar pak ditë më parë. Ky i fundit akuzohet për aktivitete me qëllime terroriste dhe rekrutim të xhihadistëve të rinj.
Sipas investigatorëve italianë, Enes Bledar Beshta, imami shqiptar i xhamisë al-Fajer të Genovas, ka luajtur një rol kryesor në aktivitetin terrorist të shtetasit sirian që përgatitej ti bashkohej grupit të Jabhat al- Nusra, në Siri.
Gjithashtu janë dokumentuar disa transferime parash me anë të Western Union, nga imami shqiptar ndaj disa eksponentëve të islamit radikal në Shqipëri e Kosovë.
Imami shqiptar thirrej me emrin ” i dituri” per shkak të studimeve fetare të kryera në Siri si dhe për faktin se administronte disa faqe në websitin “forumiselefi.net” e “Rruga e Selefeve”, si dhe të disa siteve të tjera në Shqipëri, të gjitha me frymë fetare salafite.
