Moti i keq me erëra të forta dhe dëborë jka përfshirë pjesën më të madhe të Italisë. Stuhi pritet të ketë në pjesën qendrore dhe jugore dhe erëra më të forta në rajonin veriore dhe jugore.
Departamenti i Mbrojtjes Civile ka paralajmëruar sërish për mot të paqëndrueshëm që parashikohet nga pasditja e sotme shoqëruar me erëra të forta në pjesën veriore të Emilia-Romanjës dhe Ligurias deri në stuhi të forta.
Priten reshje dëbore në lartësinë mbi 700-900 metra në Abruzzo dhe Molise, me një intensitet më të vogël në lartësinë 500-600 metra nga dita e sotme deri nesër.
Nesër do të ketë alarm të verdhë për rrezikun hidrogjeologjik lokalizuar në gjithë territorin e Abruzzos dhe Molises, në zonat bregdetare të Lazios dhe Kampanias, pjesërisht në Basilikata dhe në Pulia.
