Një ngjarje e rëndë ka ndodhur në Itali, ku një emigrant shqiptar ka humbur jetën gjatë një aksidenti në punë.
Mediat italiane, shkruajnë se shqiptari punonte si shofer në një kompani vendase dhe gjatë kohës që ishte duke ngarkuar një kamion me ndihmën e një vinçi të vogël, i ngeci koka ndërmjet kamionit dhe konteinerit që po ngarkonte.
Shqiptari 36-vjeçar ndërroi jetë në vend për shkak të plagëve të rënda, pavarësisht ndihmës së mjekëve.
Autoritetet italiane kanë nisur hetimet për të zbuluar shkaqet e këtij incidenti.
