Alarm i ri rreziku terrorist në Itali.
Shtetit Islamik në Sinai sapo ka shpërndarë një video prej 35 minutash ku kërcënon se së shpejti do të mbërrijnë në Romë.
Nën imazhet e sheshit Navona në Romë “pas atentatit të rrëzimit të avionit rus së shpejti do të takohemi në Jeruzalem e në Romë. Ky është vetëm fillimi”, thuhet në video.
Ndërkohë gjatë orëve të fundit me urdhër të Prokurorisë së qytetit të Torinos është dëbuar nga shteti italian shtetasi pakistanez, 26 vjeçari Aftab Farook rezident në Vaprio D’Adda me akuzën se aspironte të behet një luftëtar i ISIS.
Ndërsa 3 imamë rezidentë në Provincën e Xhenovës janë arrestuar me akuzën se kanë favorizuar përfshirjen e një të riu sirian që jetonte në Itali, në radhët e grupit terrorist Al Nusra.
