Ish-ambasadori i Shqipërisë në SHBA dhe Hollandë, Fatos Tarifa është deklaruar pro një afrimi të Shqipërisë me Rusinë.
Ai thekson se askush nuk ka pse t’i trembët afrimit të Tiranës me Rusinë, e cila është një fuqi e madhe.
“Popujt nuk kanë miq të përjetshëm, kanë vetëm interesa të përjetshme. Nuk do ta shihja me shqetësim asnjë afrim me Rusinë, të cilës ne i trembemi si djallit, aq sa edhe në përvjetorin që ata kishin pak vite më parë ne dërguam vetëm ambasadorin. Rusia është një fuqi e madhe, nuk kemi pse të trembemi nga marrëdhënia me të. Popujt nuk kanë miq të përjetshëm, kanë vetëm interesa të përjetshme. Ne duhet të nisemi nga interesat kombëtare, të cilat kërkojnë të ruajmë marrëdhënie të mira me fuqitë e mëdha, padyshim me SHBA-në. Aleati më i ngushtë i SHBA-së në Lindjen e Mesme është Arabia Saudite, vendi më despotik që mund të gjesh. Unë do të shqetësohesha për çdo inuencë që nuk i shkon për shtat interesave ekonomike dhe sociale të Shqipërisë”, u shpreh Tarifa në emisionin “Arena”.
