Nga Arben Llalla*
Ish-ambasadori i Greqisë në Tiranë Aleksandros Malias provokon shqiptarët duke ngritur pretendimet territoriale mbi Shqipërinë. Malias viziton çdo vit Himarën nën shoqërinë e Fredi Belerit dhe Bollanos, të cilët siç duket paguajnë edhe shpenzimet e diplomatit grekë.
Pas rikthimit në Athinë, Aleksandros Malias shkruan nga një shkim rreth marrëdhenieve greko-shqiptare, si dhe për gjëndjen e pakicës greke në Shqipëri, duke ngritur pretendime se Himara banohet nga grekë, të cilëve shqiptarët ushtrojnë presione dhe kërcënime të vazhdueshme.
Në fakt, diplomatin Malias e pengon termi “çam” dhe “Çamëri”, si dhe shqiptarët e Çamërisë që banojnë në jugun e Shqipërisë.
E pengon edhe ngritja e varrezave të çamëve në Kllogjer, të cilët vdiqën nga gjenocidi grek i vitit1944.
I tërë shkrimi i ish-ambasadorit grek ngrihet mbi një urrejtje personale që ai ka ndaj shqiptarëve.
Të çudit shpejtësia e përkthimit të shkrimit të Malias nga greqishtja në shqip dhe botimi me turravrap. Kuptohet përkthimin e ka bërë ambasada greke në Tiranë, e cila paguan nga Fondet Sekretet mediat e Shqipërisë. Të çudit fakti se nga shkrimi origjinal i botuar greqisht ka shtrembërime në botimin në gjuhën shqipe, të cilat besohet janë bërë qëllimisht nga zyra e ambasadës.
* Në foton e këtij shkrimi është ambasadori Malias me Bollanon dhe Belerin në 8 shtator 2019 në Himarë.
