Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

Intervista për “The Telegraph”/ Rama apel SHBA: Rusia po zgjeron ndikimin në Ballkan

Nga Skenderi 0

Kryeministri i vendit, Edi Rama në një intervistë për prestigjiozen britanike “The Telegraph” ka shprehur shqetësimin kundrejt rrezikut që i kanoset Ballkanit nga ndikimi rus.

“Sa i përket situatës rajonale, influenca e Rusisë mbi Ballkanin është më e fuqishme se më parë, e sidomos në qarqet politike të Serbisë dhe Malit të Zi. Kjo nuk është diçka tërheqëse për shoqërinë, pasi politikat ruse nuk korrespondojnë me ambiciet e Ballkanit për t’ju bashkuar BE-së“, thotë Rama.

Kryeministri ka folur edhe për një sërë çështjesh të tjera, përfshirë sistemin e drejtësisë, çështjen “Brexit” si dhe shfaqjen e pikturave të tij nëpër ekspozita.

Reformën në drejtësi Rama e konsideron një problem madhor për opozitën pasi sipas tij “ata kanë qenë në pushtet për vite me radhë, ndaj kanë arsyet e tyre për t’ju frikësuar një sistemi drejtësie të pastër dhe mirë-funksionues.”

Në lidhje me të ashtuquajturën çështjen ‘Brexit’, Kryeministri shqiptar nënvizon se kjo ishte një zgjedhje demokratike dhe sovrane e popullit britanik, por shton se kjo gjeneratë e Evropës nuk duhet të harrojë se BE-ja është mbi të gjitha një projekt për paqe dhe siguri, dhe në plan të dytë një bashkim për një treg të lirë dhe të përbashkët.

Më tej, Rama ka folur edhe për shfaqjen e pikturave të tij në ekspozita të njohura në mbarë botën, teksa shton se pasioni i tij e ndihmon që të përqendrohen. Pas tre vitesh në detyrë, “The Telegraph” shkruan se popullariteti i Ramës mbetet i lartë me 56% të miratimit.

Sipas Ramës ekonomia është lulëzuar, duke u rritur me 3.4% vetëm vitin e kaluar, duke parashikuar një rritje të ngjashme edhe për 2017-ë. Sa i takon turzmit, “The telegraph” shkruan se po fiton reputacionin e humbur nga periudha komuniste.

“Njerëzit janë ndikuar nga stereotipi i Shqipërisë si një vend i zymtë, ku të gjitha gjërat janë të errëta, por nuk është kështu, është krejtësisht e ndryshme”- kështu përfundon Rama intervistën e tij.

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej