Shërbimet e inteligjencës amerikane kanë njoftuar se Covid-19 nuk është prodhuar nga njeriu, por thonë se zyrtarët vazhdojnë të hetojnë nëse koronavirusi doli aksidentalisht nga laboratori.
Në një deklaratë të lëshuar të enjten, Zyra e SHBA për Drejtorinë e Inteligjencës Kombëtare konfirmoi se Covid-19 e kishte origjinën në Kinë, dhe shtoi: Komuniteti i inteligjencës gjithashtu pajtohet me konsensusin e gjerë shkencor se virusi Covid-19 nuk ishte i bërë nga njeriu apo gjenetikisht modifikuar.
Deklarata thoshte se shefat e inteligjencës vazhdojnë të punojnë për të provuar nëse shpërthimi Covid-19 filloi përmes kontaktit me kafshë të infektuara, ose nëse ishte rezultat i një aksidenti në një laborator në Wuhan.
Më herët këtë muaj, Presidenti Trump nuk pranoi të mohojë pretendimet e bëra ndaj tij se zyrtarët e inteligjencës amerikane besojnë se Covid-19 mund të ketë filluar të përhapet pas një incidenti në Institutin e Virologjisë në Wuhan.
