Hendeku gjinor në tregun e punës në Shqipëri vijon të jetë i lartë. Statistikat e fundit të INSTAT tregojnë se burrat janë me prezent në tregun e punës krahasuar me gratë, përkatësisht raporti është 74.1 përqind meshkuj dhe 59.3 përqind femra.
Sipas Institutit të Statistikave, 21.5 përqind e grave të anketuara deklarojnë se janë shtëpiake, ndërkohë që vetëm 1 përqind e burrave japin këtë argument për inaktivitetin në tregun e punës.
Edhe pse të dhënat e INSTAT vërejnë një nivel më te lartë të grave me arsim universitar krahasuar me burrat, sërish këta të fundit janë më shumë prezent në tregun e punës si dhe kanë paga më të larta. Nga ana tjetër burrat paguhen më shumë se gratë dhe hendeku gjinor në paga rezulton 6.3 përqind në favor të meshkujve.
Por një tregues interesant ku gratë janë më mirë se burrat është jetëgjatësia. INSTAT raporton se gratë jetojnë mesatarisht 3 vite më shumë sesa burrat, pasi jetëgjatësia mesatare llogaritet 80 vite për gratë dhe 77 vite për burrat.
