Informonte bandat kriminale, Gjykata e Lartë refuzon lirimin nga burgu të ish-shefit të krimeve në Elbasan

Leonard Palushi, ish-drejtuesi i policisë së Elbasanit do të qëndrojë në burg pasi Gjykata e Lartë refuzoi lirimin e tij. Ish-shefi i krimeve dyshohet se ka kryer manipulim provash në disa ngjarje kriminale teksa ka shërbyer si efektiv në Elbasan.
Palushi kërkoi për herë të dytë zëvendësimin e masës në “arrest shtëpie”, dhe po aq herë iu rrëzua nga GJKKO, ndërsa i pandehuri parashtroi si argument arsyet familjare si dhe faktin se për 4 muaj Prokuroria sipas mbrojtjes kishte kohë të mjaftueshme mblidhte prova që ta dërgonte çështjen për gjykim.
Ndërsa nga ana e SPAK u kërkua të rrëzohej kërkesa me argumentin se kanë akoma veprime për të kryer. Palushi akuzohet nga SPAK për orientim të gabuar të hetimit duke shpërdoruar detyrën për vrasjen e Emiljano Ramazanit. Ai u arrestua në kuadër operacionit “Golden Bullet”.
Senacën e parë, ai ka mohuar të ketë lidhje me akuzat për të cilat u arrestua në kuadër të operacionit “Plumbi i Artë”, duke thënë se çdo veprim i tij është kryer në kuadër të detyrës. “Kam bërë vetëm detyrën, ndoshta kam bërë më shumë se duhet” mësohet të ketë thënë ai para gjyqtarit në seancën e sotme për vlerësimin e masës së sigurisë. Ndërkohë, avokati i tij ka kërkuar që të merret në mbrojtje familja e policit pasi ndihet e rrezikuar.