Kancelarja gjermane, mbërriti në Pallatin e Brigadave, ku u prit nga kryeministri Edi Rama, ndërsa u shënuan edhe disa incidente pikante.
Fillimisht kancelarja gjermane ngeci për pak në makinë. Dera nuk po hapej dhe truproja tentoi ta hapë atë me forcë.
Më pas, Merkel zbriti nga makina dhe u nis të takojë Ramën. Ky i fundit i zgjati dorën, por kancelarja e “refuzoi”, duke kërkuar një takim me grusht. Kjo është simbolika e fundit në kushtet e pandemisë.
Më pas të dy u ulën në karrige, duke dëgjuar himnet përkatëse. Duket se kjo zgjidhje vjen pasi para disa kohësh, kancelarja gjermane pati disa momente dobësie teksa dëgjonte himnet në këmbë. Pas dridhjeve të vazhdueshme të saj, disa vende vendosën të ofrojnë uljen në karrige për të dëgjuar himnin.
Pas ceremonisë zyrtare, nisi edhe takimi kokë më kokë mes Ramës dhe Merkel.
