Përfaqësuesit e Komisionit Hetimor për Inceneratorët kanë dalë sot në terren, duke u ndalur te impianti i trajtimit të mbetjeve në Fier. Nënkryetarja e këtij Komisioni, Dhurata Çupi në një prononcim nga ambientet e impiantit, tha se asgjë nuk përpunohet, pasi objekti nuk është funksional. Sipas saj, asgjë nuk përpunohet, kontrata është lidhur në 2016 dhe duhet të fillonte funksionimin impianti në 2016.
“Objekti i Komisionit Hetimor ka qenë ndjekja e procedurave ligjore deri në lidhjen e kontratës me koncesionarin. Si është zbatuar kontrata. Si kanë kaluar 28 milionë euro nga buxheti i shtetit tek koncesionari. Shteti funksionon me letra dhe ne e kemi ngritur komision hetimor bazuar në 3 elementë procedurat që janë gjetur abuzimi me buxhetin e shtetit. Tashmë që erdhëm shikohet qartë asgjë nuk përpunohet, kontrata është lidhur në 2016 dhe duhet të fillonte funksionimin impianti në 2016” – tha Çupi.
Deputetja Dhurata Çupi theksoi se depozita e mbetjeve është bosh dhe se kontrata është lidhur në vitin 2016 dhe duhej të përfundonte në 2019-ën. Ndërkohë sipas saj edhe tani që kemi hyrë në vitin viti 2022 dhe objekti akoma nuk funksionon.
“Vijmë nga Komisioni Hetimor. Media juaj e ka ndjekur punën e këtij Komisioni Hetimor. Kolegët socialistë në planin e punës kishin parashikuar të bënim edhe një vizitë në objekt dhe siç e shikoni objekti nuk punon, nuk është funksional. Kaq e thjeshtë është. Nuk ka mbetje që përpunohen. Depozita është bosh. E keni filmuar sepse unë insistova që të filmohet. Depozita e mbetjeve është bosh. Kontrata është lidhur në vitin 2016 duhej të përfundonte në 2019. Tani jemi në vitin 2022 ku objekti nuk funksionon. Ndërkohë janë 28 milionë euro të vëna në dispozicion për koncesionarin” – shprehet Çupi.
Kujtojmë se në terren kanë qenë edhe deputetët e Partisë socialistë që janë pjesë e Komisionit Hetimor për Inceneratorët.
