“Të arrijmë konsensusin e duhur për të rikthyer besimin tek drejtësia”
Në 25 vjetorin e Kuvendit pluralist, kreyeparlamentari Ilir Meta tha se ky Kuvend do të mbahet mend si Kuvendi i reformës në drejtësi. Gjatë pritjes që Ilir Meta bëri në Pallatin e Brigadave me personalitete të larta, përfaqësues të medias dhe diplomatë tha se reforma në drejtësi do të miratohet .
Ilir Meta: Sot Kuvendi ndodhet përpara sfidës më madhore që nga themelimi i pluralizmit 25 vite më parë, miratimit të reformës në drejtësi. Këtë reformë e presin të gjithë qytetarët, publiku dhe partnerët tanë. Me këtë rast dua të shpreh një vlerësim të veçantë për të gjithë ata ekspertë vendas dhe ndërkombëtarë që kanë punuar për këtë projekt. Do të doja të falenderoja për mbështetjen e pakursyer partnerëve ndërkombëtarë, SHBA, BE, Komisionit të Venecias dhe komisionet e asistencës së EURALIUS dhe OPDAT. Ndaj këtë kohë që kemi të shfytëzojmë me urtësi dhe largpamësi për të përmbyllur këtë proces madhor historic, të arrijmë konsensusin e duhur, pasi miratimi i reformës në drejtësi do të rikthejë besimin tek drejtësia, por edhe besimin tek investitorëve. Është detyra jonë për ta çuar këtë proces përpara dhe për ti dëshmuar shqiptarëve dhe partnerëve se ne ishim të aftë dhe në lartësinë e sfidës që kërkon e ardhmja europiane e Shqipërisë si një vend is ë drejtës dhe sundimit të ligjit. Me lejoni që në fund të shpreh bindjen time se ne do ta kalojmë këtë sfidë dhe do të mbahemi mend si Kuvendi i Reformës në Drejtësi.
