Ilir Meta betohet në Kuvend si presidenti i ri i Republikës së Shqipërisë

Ilir Meta është betuar si president i Republikës së Shqipërisë në seancën e jashtëzakonshme e cila sapo ka nisur.

Kryetari i Kuvendit u betua me dorën mbi kushtetutë, ndërsa më pas u ekzekutua himni kombëtar. Meta do të jetë presidenti i 10-të në historinë e Shqipërisë.

Ora 19:45 Rama shtrëngon duart me Metën në Presidencë

Gjykata e Lartë e Zyrihut përjashton të dhënat e marra nga SkyECC

Samir Mane nën hetim nga SPAK: Biznesmeni, drejt arrestimit për pastrim parash?

Sapo ikën austriakët, Avni Ponari uli dëmshpërblimet e SIGAL për qytetarët e dëmtuar

Kombëtarja e të rejave U20 mundet nga Serbia me 94 pikë diferencë! Këto janë talentet e shkollave 12 milionë euro të Fidel Yllit?

Pas marrjes së detyrës, Presidenti i ri Ilir Meta është përshëndetur nga të gjithë të ftuarit, mes tyre bie në sy edhe takimi me Kryeministrin Edi Rama.

Ora 19:30 Ilir Meta zyrtarisht President, 21 të shtëna me top

Ora 19:05 Ilir Meta pa bashkëshorten në Presidencë
Ilir Meta ka ngjitur i vetëm shkallët e Presidencës për të marrë zyrtarisht detyrën nga Bujar Nishani.

Ashtu siç edhe pritej, Meta nuk shoqërohej nga bashkëshortja e tij Monika Kryemadhi.

Ora 18:30 Ilir Meta i drejtohet Presidencës për të marrë detyrën
Ilir Meta i është drejtuar selisë së Presidencës për të marrë zyrtarisht detyrën në një ceremoni shtetërore mjaft të veçantë.

Ora 18: 25 Majko: Me krahë të lehta Metës, historitë e fushatës kanë mbaruar
“Me krahë të lehta Metës, historitë e fushatës kanë mbaruar”. Kështu u shpreh ish-kryeministri socialist Pandeli Majko në mbyllje të seancës së bvetimit të Ilir Metës si President.

I pyetur nëse PS do jetë dyshuese ndaj Presidencës së Metës, Majko tha se historitë e fushtës zgjedhore janë lënë pas.

Majko e uruat Metën?
Sigurisht, me krahë të lehta.

Keni dyshime?
Jo, çfarë dyshimesh?

Keni shkëmbyer replika…
Këto mbyllen, hapim një histori tjetër. Sot është një ditë e veçantë.

Ora 18: 25 Igli Cara: Këtu dolën të gjithë të fituar, edhe z.Basha
Deputeti i PD, Igli Cara, i cili nuk u kandidua nga Lulzim Basha në 25 qershor tha për Report Tv se të gjithë liderët e politikës kanë dalë të fituar. Sipas tij, i fituar është edhe Lulzim Basha.

“Këtu dolën të gjithë të fituar. Rama qeverisi keq dhe fitoi mandatin e dytë, edhe z.Meta u bë President. Por i fituar është edhe z.Basha sepse u rizgjodh në krye të PD. I vetmi që ka humbur në katër vjet, është qytetari shqiptar. Liderët politikë kanë fituar“.

Ora 18:15 Berisha: Ia bëra urimin, i uroj suksese në detyrë

Sali Berisha nuk ishte në Kuvend kur Ilir Meta u zgjodh President, por sot mori pjesë në seancën e betimit.

Meta dhe Berisha shtrënguan duart pas seancës së jashtëzakonshme në Kuvend. “Ia bëra urimin. I uroj suksese në detyrë”, u shpreh Berisha.

Ora 18:00 Fjalimi i Metës

“E nderuar zonja Leskaj, i nderuar kryeministër, ministra, deputetë, miq e të ftuar ju falënderoj që jeni pjesë e kësaj ceremonie solemne. Më lejoni të shpreh mirënjohjen time dhe të shpreh angazhimin tim. Kushtueshmëria, respektimi i shtetit të së drejtës do jenë pjesë e punës time. 25 vit më parë u zgjodha si deputet në këtë Kuvend, e sot president. Reforma të qëndrueshme në mund të jenë produkt i një mazhorancë, por i një sipërmarrje kombëtare. Sot angazhohemi për forcimin e së drejtës, e klimës së biznesit aq e domosdoshme për të rinjtë tanë. Përpjekjet tona shtet formuese s’do kishin qenë të lehta pa bashkëpunimin dhe ndihmën e ndërkombëtareve.”, tha Meta.