Duke shpërndarë një njoftim të vetë Ilir Kernit, sopranoja shqiptare me nam botëror, Ermonela Jaho ka bërë me dije se koreografi dhe balerini i shquar shqiptar është emëruar drejtor i Baletit në Teatrin Kombëtar të Splitit të Kroacisë me një kontratë deri në vitin 2023.
Më parë Ilir Kerni ishte drejtor i teatrit të Operas dhe Baletit të Tiranës, por dha dorëheqjen i zhgënjyer që kishte besuar në premtimet e më hershme të qeverisë së Edi Ramës për politikat e artit.
Ja ccfarë shkruan në urimin e saj Ermonela Jaho:
“Urime Ilir Kerni për emërimin e merituar si Drejtor i Baletit në Teatrin Kombëtar të Splitit (2019-2023) dhe komplimenta kroatëve për largpamësinë dhe vlerësimin ndaj një vlere artistike kombëtare shqiptare si ju…”.
