Albana Vokshi ka urdhëruar gardën të nxjerrë nga mbledhja në Komisionin e Medias kryebashkiakun Erion Veliaj. Ajo i kërkoi Veliajt të largohej nga seanca dëgjimore, por kryebashkiaku nuk pranoi. Sipas Vokshit në këtë seancë dëgjimore ishte ftuar vetëm ministrja Kumbaro dhe jo Veliaj.
Pas një ndërprerjeje disa minutëshe, mbledhja rinisi sërish dhe Veliaj vijonte të ishte i pranishëm. Në këtë moment Vokshi i ka kërkuar gardës të nxjerrë jashtë kryebashkiakun, veprim që nuk është kryer nga oficerët.
“Gramoz Ruçi të ndërhyjë në mënyrë urgjente për të zhbllokuar situatën, sepse garda është vënë në shërbim të kryetarit”, tha Vokshi.
