Temperaturat e larta dhe vala e të nxehtit afrikan që ka futur nën kthetra Europën po shkakton viktimat e para. Tre të moshuar kanë humbur jetën në plazhet e jugut të Francës nga infarktet.
Ndërkohë në të gjithë vendin po zbatohen planet e emergjencës, duke hapur për kalimtarët hapësira me ajër të kondicionuar brenda ndërtesave publike. Në sheshet e qendrës së Pragës, qytetarët freskohen me autobotë që hedhin ujë, veçanërisht në orët e mesditës.
Shatërvanet janë vendet më të frekuentuara në Berlin gjatë këtyre ditëve. Autoritetet kanë menduar edhe për kafshët. Temperaturat do të vijojnë të rriten deri të premten. Ato do të thyejnë rekordin e 2003-shit me 1 gradë, duke arritur në 45 gradë Celsius.
