Kenan Yildiz ka qenë një nga debutuesit që trajneri i Juventusit, Masimiliano Alegri, hodhi në fushë që në ndeshjen e parë të bardhezinjve në Serinë A, ndaj Udinezes, të fituar me rezultatin 3-0. Talenti i datëlindjes 2005 shihet si një nga emrat e të ardhmes te klubi torinez.
Por për Masimiliano Alegrin, gjëra e parë që duhej të bënte ishte të ndërronte modelin e flokëve, pasi sulmuesi sipas tij e kishte mendjen më shumë të rregullonte flokët.
“Tani si fillim nesër do të presë flokët. Pasi i preku 100 herë dhe nesër duhet t’i presë. Kjo si fillim, që të bëjë gjërat si duhet. Përtej kësaj, është një djalosh që ka cilësi”, ishin fjalët e trajnerit të Juventusit pas ndeshjes së të dielës në darkë që skuadra e tij fitoi ndaj Udinezes.
Dhe sulmuesi turk ka zbatuar menjëherë urdhrin që ka ardhur nga trajneri, teksa është publikuar në rrjetet sociale foto e tij te berberi me modelin e ri të flokëve.
Taglio nuovo per Yildiz 😁✂️ pic.twitter.com/52uzo88jBR
— Matthijs_Pog (@MatthijsPog) August 21, 2023
