Një 53-vjeçar shqiptar i shpallur në kërkim ndërkombëtar është arrestuar nga forcat e FAST Albania. I arrestuari është Emanuel Loku (alias Ferdinand Luka), i dënuar nga gjykata në Ancona me 5 vjet burgim për veprat penale “Vjedhja”, në rrethana rënduese dhe “Mbajtja dhe shitja e sendeve të vjedhura”.
53-vjeçari është ndaluar teksa po qarkullonte nga Kurbini në drejtim të Tiranës. Gjykata e Ancona-s, Itali, e ka dënuar këtë person me 5 vite burgim për veprat penale vjedhje, mbajtja dhe shitja e sendeve të vjedhura, të parashikuara nga Kodi Penal italian.
Interpol Tirana, në bashkëpunim me Interpol Roma, po vijon punën për plotësimin e dokumentacionit të nevojshëm, me qëllim ekstradimin e këtij shtetasi drejt Italisë.
