Seanca në Gjykatën e Apelit për Krimet e Rënda caktoi sot gjyqtaren që do të drejtojë çështjen për lirimin e Redjan Rrajës, i arrestuar për atentatin 1 nëntorit në Shkozet ndaj prokurorit të Durrësit Arjan Ndoja, Andi Malokut dhe Landi Muharremit.
Albana Boksi do të drejtojë seancën gjyqësore të 20 nëntorit kur Redjan Rraja do të mësoje nëse do të lirohet apo do të qëndrojë në burg.
Redjan Rraja është i arrestuari i vetëm i atentatit të 1 nëntorit në Shkozet. Ai u arrestua teksa po tentonte të kalonte drejt Malit të Zi.
Më pas, Gjykata e Krimeve të Rënda caktoi masën ”arrest me burg” për 34-vjeçarin.
Në automjetin e grabitur me të cilin u krye atentati, u gjetën 3 palë syze, dhe në njërën prej tyre u konstatuan shenjat e gishtërinjve të Redjan Rrajës.
