Pas humbjes së zgjedhjeve në Dibër, Partia Demokratike ka nisur mbledhjen e grupit të saj parlamentar një ditë përpara seancës parlamentare.
Deputeti Eduart Selami ka kërkuar thirrjen urgjente të Këshillit Kombëtar të kësaj partie për të diskutuar lidershipin e Partisë Demokratike pasi sipas tij nuk është bërë asnjë analizë serioze pas katër humbjesh rradhazi.
Sakaq deputetja Majlinda Bregu ka kërkuar të flitet hapur.
Selami: “Partia Demokratike nuk është pronë personale e Lulzim Bashës por një pasuri kombëtare. Katër humbje radhazi dhe nuk është bërë asnjë analizë serioze. Duhet bërë analizë e pastër për humbjen.”
Bregu: “Duhet të flasim hapur me njëri-tjetrin. Të flasim hapur se jemi në konfuzion total. A e di Z. kryetar që degët tona janë në bjerrje totale?”
