Humb kontrollin e Citroen-it dhe del nga rruga, plagoset shoferi në Shkodër

0
79

Një aksident rrugor është rregjistruar ditën e sotme në aksin rrugor Shkodër-Hani Hotit, në fshatin Palvar të Shkodrës.

Mjeti tip Citroen ka dalë nga rruga dhe për pasojë drejtuesi i mjetit është dëmtuar.

Mësohet se drejtuesi L. B., 19 vjeç banues në fshatin Gjormë, Malësi e Madhe, ndodhet në Spitalin Rajonal Shkodër nën kujdesin e mjekëve.

 Grupi hetimor ndodhet në vendngjarje dhe po punon për zbardhjen e shkakut te kësaj dalje nga rruga.

“Më datë 21.01.2022, rreth orës 15:35 në aksin rrugor Shkodër-Hani Hotit, në fshatin Palvar, Malësi e Madhe, mjeti tip Citroen, me drejtues shtetasin L. B., 19 vjeç banues në fshatin Gjormë, Malësi e Madhe, ka dalë nga rruga, dhe për pasojë drejtuesi i mjetit është dëmtuar, i cili ndodhet në Spitalin Rajonal Shkodër nën kujdesin e mjekëve.” – bën me dije policia.