Jani Depo, me origjinë nga Sinica e Devollit, por që prej 20 vjetësh jetonte në Çikago, ishte një nga viktimat e fundit e COVID-19 që ka pushtuar botën.
Depo ishte shtruar prej 12 ditësh në spital, ndërsa mësohet se nuk mundi ta përballojë sëmundjen. 86-vjeçari kishte patur edhe probleme të tjera shëndetësore si në zemër e mushkëri, të cilat ia rënduan gjendjen.
Mes dhimbjesh, këtë lajm të trishtë e njoftoi bashkëshortja e tij, si dhe tre vajzat.
Vajza e Depos shkruan:
Me hidhërim të thellë u njoftojmë se më 6 Prill, 2020 më 9:15 pm, u nda nga jeta në moshën 86- vjecare njeriu ynë i shtrenjtë, babai i përkushtuar, bashkëshort i denjë, gjysh i dashur, vëllai i kudogjendur, mësuesi i palodhur, miku i urtë, dhe shoku i mirë JANI DEPO. Lindi më 4 Janar 1934 në Sinice, Korcë. Tërë jetën punoi mësues në vendlindjen e tij. I shtruar në spital prej 12 ditesh, me gjithë përpjekjet e vazhdueshme të mjekëve, nuk mundi t’i mbijetojë komplikacioneve të virusit të padukshëm.
Prehu ne paqe babai im i shtrenjtë! Do të mbetesh gjithnjë shembull i përkryer dhe i paharruar për ne vajzat e tua, mbesat, nipat, vëllain, dhe motrat, të afërmit e shokët. Do të kujtojmë cdo dite për jetën plot dritë që na dhe. Jemi krenarë për Ty babai ynë i dashur për dedikimin tënd ndaj familjes. Një bashkëshort model, prind shembullor dhe mësues i devotshëm për ne nxënesit e tu. Asnjëherë nuk mendove për veten tënde, gjithnjë për të tjerët edhe në momentet e fundit. Do të na mungosh shumë, por ne femijët e tu, do ta mbajmë me nder emrin tënd, do të përcjellim te femijët tanë kulturën e lartë, qytetarinë dhe vlerat patriotike me të cilat na rrite dhe na edukove si prind dhe si mësuesi ynë. Kjo është vetem ndarja fizike që të gjithë do ta kemi, por ne do të jemi bashkë gjithnjë, në këtë jetë dhe ne atë të përjetësisë.
Na dhemb ky largimi yt kaq i papritur dhe i dhunshëm nga armiku vdekjeprurës. Ishe dhe do jesh simboli I paqes dhe mirësisë për ne. U prefsh në paqe babai ynë i shternjtë dhe i përjetshëm do të jetë kujtimi yt. Miq të dashur, Ju falenderojmë dhe u jemi mirënjohës për gjithcka keni bërë për ne këto ditë plot stress dhe dhimbje. Na keni dhënë forcë dhe mbështetje me interesimin tuaj të përditshem, me perkujdesjen dhe respektin e madh qe na keni ofruar. U jemi mirënjohës për jetë. Në këtë kohë të vështirë, shqetësimi ynë i madh jeni ju miqtë tanë të shtrenjtë. Dëshirojme që të gjithë të jeni mirë, të ruheni dhe bëni shumë kujdes për të mos u infektuar nga ky virus i mallkuar. Të mos lejojmë në asnjë formë e menyrë që virusi të përhapet në familjet tona dhe shoqëri. Bëni shumë kujdes!”
Ç’do të ndodhë me hetimet?! SKY ECC nuk vlen më si provë
Gjykata Kantionale e Tuzlës në Bosnje-Hercegovinë ka dalë me një vendim të fortë që mund të ndryshojë rrënjësisht mënyrën si...
