Klinika Infektive ka njoftuar se një 63-vjeçare ka humbur jetën si pasojë e koronavirusit në Kosovë.
Pacientja nga Dragashi e humbi betejën me Covid-19 në Klinikën Infektive sot në orët e para të mëngjesit. E ndjera veç koronavirusit kishte edhe sëmundje tjera.
Në njoftimin e Klinikës Infektive thuhet: “Në orët e mëngjesit ka ndërruar jetë pacientja e lindur me 1957 nga komuna e Dragashit, e cila veç infeksionit me COVID-19, ka pasur edhe sëmundje kronike të veshkave dhe sëmundje tjera shoqëruese.”
Deri më tani numri i personave që kanë humbur jetën si pasojë e virusit korona në Kosovë ka arritur në 27, ndërsa numri i të infektuarve është 860.
