Policia franceze ka vënë në pranga një 60-vjeçar shqiptar pasi është kapur me dokumente false ndërsa kishte qenë i dënuar më parë në këtë vend për trafik droge dhe pastrim parash. Gjatë kontrollit në kufirin francez ndaj 60-vjeçarit, policia ka pikasur menjëherë se ai ishte shqiptar me banim në Greqi, ndryshe nga sa paraqitej se ishte shtetas grek. Pas kontrollit policia mëson se ai ka qenë i dënuar për drogë, pastrim parash dhe mashtrim. 60-vjeçari është dërguar në gjykatë ku është justifikuar se kishte menduar se i ishte ndaluar hyrja vetëm për 2 vjet në Francë.
Më pas 60-vjeçarit i janë gjetur edhe një shumë e konsiderueshme parash prej 2 mijë frangash zvicerane dhe 700 euro. Ndërkaq, gjykatësi mëson se shqiptari ka qenë i dënuar më parë për trafik droge edhe në Greqi.
60-vjeçari shqiptar: Mos ju duken shuma të mëdha? Jam duke bërë biznes në Spanjë? Për atje isha nisur çfarë problemi ka këtu?
Gjykatësi: Edhe në Greqi jeni dënuar për trafik droge?
60-vjeçari shqiptar: Po, më parë, shumë kohë më parë.
Gjykatësi: 5 vjet dmth!
60-vjeçari shqiptar kishte përvetësuar emrin e një personi të tretë. Ai është lënë në burg duke u dënuar me 1 vit e 3 muaj dhe më pas të deportohet nga Franca duke i ndaluar hyrjen në këtë vend.
