96 tifozë të Liverpulit të vdekur dhe 766 të plagosur, që të paktën marrin drejtësi pas 27 vitesh
Në foto është Berri Devonsajd, babai i një prej viktimave të tragjedisë së “Hillsborough”, që ndikoi më pas në një revolucionalizim të futbollit anglez, i cili u kthye nga etaloni i dhunës, në një sport që luhet jo më thjeshtë në stadiume komode, por si në salla teatri. Ka qenë 15 prilli 1989, kur në Shefild do të luhej gjysmëfinalja e FA Cup, Liverpul – Notingam Forest, dhe pas u shtypën tek gardhet rrethues të stadiumit humbën jetën 96 tifozë të Liverpulit dhe 766 të tjerë u plagosën.
Që pas asaj ndeshje u hoqën përfundimisht ndarëset midis shkallëve dhe fushës, si dhe u përcaktuan sanksione të ashpra për tifozët që do të shkaktonin trazira. Përpara fillimit të ndeshjes Suonsi – Liverpul, “Liberty Stadium” u ngrit në këmbë për të kujtuar tragjedinë e “Hillsborough”, por një gjë e tillë ndodhi dje edhe për një arsye tjetër. Eshtë një kujtim që pason sentencën historike të drejtësisë në favor të familjeve të viktimave. Sipas vendimit, tifozët e Liverpulit e humbën jetën për shkak të neglizhencës së policisë dhe jo si pasojë e sjelljeve të tyre.
