Prokurorja e Përgjithshme e Përkohshme Arta Marku ka vendosur të komandojë në të krye të institucionit të akuzës së Tiranës, Elisabeta Imerajn.
Pas shkarkimit dje të Dritan Rreshkës, nga ana e Komisionit të Vetting-ut, Marku ka vendosur të komandojë në krye të këtij organi prokuroren që hetoi Shullazin, Tahirin dhe Orest Sotën.
Rreshka u shkarkua nga KPK-ja pasi rezultoi se nuk justifikonte dot burimin e pasurisë së tij dhe ishte Genci Qano i cili u përfol si drejtuesi i Prokurorisë së Tiranës, por mësohet se ai nuk e ka pranuar propozimin e bërë.
Imeraj, nëna e dy fëmijëve, është diplomuar për drejtësi në vitin 2001 në Fakultetin e Drejtësisë e më pas ka përfunduar Shkollën e Magjistraturës në vitin 2004. Imeraj ka nisur punë si prokurore në Prokurorinë e Rrethit Gjyqësor Shkodër në vitin 2004 e më pas është emëruar në prokurorinë pranë Gjykatës për Krimet e Rënda.
