Helmohen sërish nxënësit e shkollës “Janaq Kilica” në Fier.
Drejtoria ka hapur shkollën sot pas helmimit të djeshëm, por përsëri nxënësit kanë ndjerë probleme shëndetësore.
Pranë shkollës kanë ardhur autoambulancat për të marrë nxënësit e helmuar.
Pasi kanë mësuar për helmimin e fëmijëve të tyre, një numër i madh prindërish janë rikthyer në shkollë duke hyrë në klasa të shqetësuar.
Një ditë më parë, 60 nxënës të gjimnazit “Janaq Kilica” u dërguan me shenja helmimi në spital, pasi ndjenë marrje mendsh, patën të vjella dhe probleme me frymëmarrjen.
Ministrja e Arsimit, Besa Shahini tha që do të merren masa menjëherë duke shtuar numrin e kamerave dhe rojeve, por duket se gjithçka ka dështuar për të mbrojtur shëndetin e nxënësve.
