Ish-Kryeministri i Kosovës, Ramush Haradinaj, ka përsëritur edhe njëherë se nuk ka Ballkan të Hapur pa njohjen reciproke Kosovë-Serbi.
I ftuar mbrëmjen e sotme në emisionin “Të Vaksinuarit” me Alulon Kalanë në Fax News,
Haradinaj thotë se po ngatërrohet radha e gjërave, dhe se nuk mund të shkohet te Ballkani i Hapur pa njohur më parë Serbia Kosovën.
Ai madje u shpreh se nuk e kupton ngutjen e Ramës për të shkuar në Beograd në një kohë kur Shqipëria nuk ka as kufi direkt me Serbinë, duke shtuar se e vetmja ngutje që duhet të ketë Shqipëria është njohja e Kosovës nga Serbia.
“Po të kishte vijë kufitare direkt midis Shqipërisë dhe Serbisë, edhe arsyetohen vizita të tilla. E vetmja urgjencë që ka Shqipëria është Kosova dhe njohja e Kosovës nga Serbia. Me këtë dua të them se pa njohjen reciproke nuk do të ketë përparim në rajon. Të gjitha këto vizita jo vetëm që do të jenë humbje kohe, por Ballkani rrezikon të kthehet mbrapa. Pres prej Kryeministrit të Shqipërisë që ta bëjmë të qartë që nuk mund të ndodhë asgjë e mirë në Ballkan pa njohjen e Kosovës nga Serbia”, tha nder te tjera Haradinaj.
Ai kishte dhe një këshillë për Ramën, teksa u shpreh se pret nga ai që të fokusohet te njohja reciproke e Kosovës nga Serbia dhe ta bëjë të qartë këtë gjë kudo që shkon, dhe të mos bëhet sikur kjo çështje është harruar.
Vizita e Ramës në Serbi? Po të kishte vijë kufitare direkt midis Shqipërisë dhe Serbisë, edhe arsyetohen vizita të tilla. E vetmja urgjencë që ka Shqipëria është Kosova dhe njohja e Kosovës nga Serbia. Me këtë dua të them se pa njohjen reciproke nuk do të ketë përparim në rajon. Të gjitha këto vizita jo vetëm që do të jenë humbje kohe, por Ballkani rrezikon të kthehet mbrapa. Pres prej Kryeministrit të Shqipërisë që ta bëjmë të qartë që nuk mund të ndodhë asgjë e mirë në Ballkan pa njohjen e Kosovës nga Serbia. Është humbje kohe. Nuk mund të bëjmë sikur nuk egziston mosnjohja e Kosovës nga Serbia. Presioni që vjen nga Uashingtoni besoj se do ta ndryshojnë dinamikën e gjërave.
