Vijon në mënyrë të frikshme fluksi i qytetarëve që paraqiten në spitalin e Krujës për të marrë ndihmë mjekësore me simptoma të helmimit. Nga raportimet e fundit nga spitali bëhet me dije se ka shkuar në 320 numri i personave që kanë marrë trajtim me dyshimet për helmim nga uji i pijshëm.
Shumica e qytetarëve pasi kanë marrë ndihmën e parë janë rikthyer në banesa. Qytetarët kanë pasur simptoma si diarre, të vjella, dhimbje barku dhe temperaturë.
Por disa muaj më parë para fushatës elektorale kryeministri Edi Rama inspektoi ujësjellësin e ri të qytetit të Krujës, ku pas punës në 1630 metra lartësi në një terren sfidues, nga sot plot 8 vendburime të reja uji do të furnizojnë rregullisht me ujë gjithë familjet.
Pasi piu vetë, po të njëjtën shishe ia ia kaloi edhe Milva Ekonomit. Më pas radhën e kishte kryebashkiaku Artur Bushi.
