Deputetet socialiste në mbështetje të Ben Blushit. Dade: Nuk mund të ndryshojë statuti për të ligjëruar shkeljet flagrante të tij
Deputetja socialiste Mimoza Hafizi, e cila doli e para në mbështetje të kolegut të saj Ben Blushi, tha dje në Oranews se PS nuk mund të jetë “tokë e xanun”, koncepti shqiptar i liderëve të partive politike. Ajo akuzoi kështu Edi Ramën për uzurpim të partisë dhe dhunim të të drejtës së votës në këtë parti. “Mentaliteti “tokë e xanun”, një njeri që e merr një post përgjithësisht mendon se e ka të përjetshëm dhe nuk do të lejojë të ketë një garë demokratike normale, për të zëvendësuar figurat, forumet elitat të cilat janë proçese të domosdoshme demokratike. Partitë politike shqiptare mund të jetë mjediset më të infektuara nga mentaliteti komunist i dikurshëm, në të gjithë atmosferën e jetës shqiptare. Unë mendoj kështu”, tha Hafizi.
Duke folur për ndryshimet në statutin e PS-së, sipas direktivave të Edi Ramës, deputetja Arta Dade tha: “Nuk mund të ndryshojmë statutin për të ligjëruar shkeljet flagrante të statutit sepse kjo më bën të mendoj për mentalitete që zënë vend edhe në zbatimin e ligjshmërisë së zbatimit të ligjit ku ne qevirisim, pra në aspektin më të gjerë në aspektin e drejtimit të shoqërisë apo edhe qeverisë”.
Dy deputet mbështetëse të Ben Blushit në PS, thanë se në grupin parlamentar të kësaj partie ka shumë deputet që nuk janë dakord me Ramën për atë çfar po ndodh në këtë parti me shkeljene të drejtës së garës dhe të votës. Ben Blushi kërkon që në kongresin e 17 marsit të zhvillohet garë për kryetyarin e PS-së, post për të cilin ka thëne do të kandidojë. Ndërsa Rama pretendon se me fitoren në dy palë zgjedhje, bëhet e panevojshme gara brenda partisë.
