Qeveria shqiptare ka reaguar për herë të parë për mbylljen e aktivitetit të kompanisë Gulf. Ministri i Energjisë, Damian Gjiknuri tha se nuk është rasti i parë që një kompani falimenton duke shtuar se organi që ai drejton ka vetëm rol rregullator.
“Ministria ka vetëm kontrollin teknik të cilësisë dhe produkteve. Nuk është rasti i parë që ka kompani që falimentojnë, mashtrojnë dhe histori të tilla si këto. Nga kjo pikëpamje janë organet tatimore ato që po e ndjekin këtë proces. Janë organet tatimore me ecurinë e këtij procesi dhe shpresojmë që shumë shpejt përgjegjësit të dalin përpara drejtësisë”, tha Gjiknuri.
Gjiknuri ka marrë pjesë në ceremoninë e nisjes së aktivitetit të “Gulf” dhe ndërrimin e pronësisë të bërë pak vite më parë.
