Madrilenët e Atletikos janë një pjesë shumë optimiste e Europës. Të lindur për të qenë kështu kanë gjithmonë një dëshirë ekstravagante për të festuar. E kanë bërë gjithmonë, vazhdojnë ta bëjnë në të gjitha gjuhët e botës, plus që tani kanë një arsye më shumë për të vazhduar të njëjtin rit. Skuadra e “Vinsente Kalderon” feston 113 vjetorin e themelimit dhe në atë ambjent të gjithë janë të bindur se ka ardhur koha që ta çojnë një Champions në shtëpi. Në fakt, Simeone me të tijët e kanë arsyen për të shpresuar kaq shumë… kanë dërguar në shtëpi Barcelonën e madhe, me një MSN që ishte kthyer në simbolin e dhunimit të kundërshtarëve. Por Pep Guardiola, në vitin e fundit në krye të Bajernit kuptohet që është kundër këtij entuziazmi të shfrenuar. Veç të tjerave ka filluar të imitojë Murinjon, kundërshtarin e dikurshëm, të cilin më parë e përfliste, ndërsa tani i ka vjedhur stilin.
Në një postim ironik në “Twitter” për festën e madrilenëve të vegjël, trajneri katalanas i bavarezeve shkruan: “Sot është ende dita për të festuar, nesër do të jetë ndryshe”. Ndërkohë që nga Atletiko nuk ka mbëritur asnjë replikë, ndoshta ngaqë “Vinsente Kalderon” e ka të gjithë hapsirën e mundëshme për ta bërë një gjë të tillë. Gara e vërtetë e Pep është me Diego Simeonen, një njeri që nuk është mjeshtër i fjalës, por që ka një aftësi të paparë për të t’i injoruar idetë e një futbolli dominues.
