Prania e grupit çam në listën e performuesve në koncertin për çeljen e Sheshit “Skënderbej”, ka bërë që grupi i minoritarëve të Dropullit të largohet pak para fillimit të mbrëmjes festive.
Grupi i Dropullit pasi është njohur me faktin që në koncert do të jetë vallja çame e “Osman Takës” ka vendosur të braktisë ngjarjen.
Komuniteti grek i Dropullit pretendon se kjo valle u përket pikërisht atyre, ndaj kjo është bërë shkas që të jenë qejfmbetur në këtë mbrëmje, e cila kishte për qëllim të ishte përbashkuese.
Vallja çame e “Osman Takës” u përhap në Greqi, ku dhe ja vunë emrin “Çamiko” dhe kaq u mjaftoi fqinjëve që ta cilësonin si të tyren.
“Kjo valle në origjinë ishte e Epirit, por u quajt vallja e Osman Takës, atëherë kur valltari Osman Taka nga Konispoli, patriot i kohës, u kap dhe u burgos në Burgun e Janinës, ku dhe dënohet me varje. Para se ta varnin ai shprehu dëshirën e tij të fundit: O Mexhid Bej, kërkesa ime e fundit në këtë botë është paksa e çuditshme. Unë dua një sufra dhe sazet e Filatit dhe të Konispolit se do të kërcej një valle të burrave të Konispolit, dua orkestrën e Braho Salametit.”, shkruan Alba Haruni në një shkim të publikuar në 27.al.
http://27.al/vallja-came-e-grabitur-nga-greket-qe-e-quajen-camiko-film/
