Policia greke zbardh detajet të reja dhe pamjet e gomones me dy ton drogë, e cila u bllokua në Greqi pas një aksioni ku në pranga kanë rënë 4 shqiptarë dhe 2 italianë.
Operacion i anti-drogës në shtetin grek u zhvillua pranë kufirit detar me vendin tonë, pasi gomonia u pikas në ujërat në veri të Korfuzit.
Policia njofton se fillimisht në gomone janë arrestuar dy shqiptarë dhe një italian, ndërsa tre të tjerët në një banesë.
Bëhet me dije se ndjekja e gomones u bë nga ajri dhe deti, ndërsa u ndalua në ishullin Tzia pasi motorët e gomones u goditën nga snajperistet e policisë.