Grekët kanë mbetur po të njëjtët, si dikur edhe tani që mbajnë rradha për 50 euro nëpër bankomate çdo 2-3 muaj. Në ndeshjen e futbollit Greqi – Mali i Zi, në tribunën qëndrore u hap një flamur i grupimit “Epiri i Veriut 1914”, gjë që ka sjellë reagimin e menjëhershëm të Federatës Shqiptare të Futbollit. Por për këtë incident të rëndë, ende nuk ka një deklaratë zyrtare nga politika shqiptare.
Deklarata e plotë e FSHF-së
FSHF shpreh indinjatën më të thellë për shfaqjen e simboleve ekstremiste nacionaliste gjatë ndeshjes Greqi – Mali i Zi, në stadiumin “Karaiskaqi” të Athinës, me datë 24 mars.
Shpalosja e një flamuri gjigand në stadiumin ku u zhvillua ndeshja, që evokon një frymë të hapur urrejtje dhe nacionaliste, nuk perfaqëson thjesht një grup tifozësh ekstremistë, por dhe një mungesë të patolerueshme në organizimin dhe administrimin e ndeshjes nga ana e vendit pritës.
Keto episode, nuk kanë lidhje me futbollin dhe shkelin rëndë rregullat FIFA-s, të pranuara nga të gjithë.
Federata Shqiptare e Futbollit, njofton opinionin dhe median, se po përgatit një ankesë e cila do t’ju drejtohet komisioneve përkatëse të FIFA-s, të cilat duhet të mbajnë qëndrim për këtë rast, që nxit nacionalizmin dhe s’ka asnjë lidhje me frymën e “Fair Play”. Kjo ankesë do t’ju dorëzohet menjëherë, organizmave përkatëse.
