Një 29-vjeçar ka goditur me çekiç dy gra të moshës 28 dhe 38 vjeç pasditën e së dielës në Garbagnate Milanese, në Piazza Ambrogio Allieve në Milano.
Autori përdori një çekiç emergjence që zakonisht gjendet në autobusat e transportit publik. Karabinierët kanë ndërhyrë menjëherë dhe më pas kanë ndaluar një 29-vjeçar, tashmë të njohur për problemet e varësisë nga droga i cili është dërguar në repartin e psikiatrisë.
Njëra nga gratë u shtrua në spital dhe 38-vjeçarja e goditur në kokë është në gjendje më të rëndë. Ajo është transportuar në spitalin Niguarda në Milano, por gjithsesi kushtet e saj nuk janë shqetësuese.
Ndërkohë 28-vjeçarja është trajtuar në spitalin Garbagnate dhe ndodhet jashtë rrezikut për jetën. Policia ka ndërtuar skenën ku 29-vjeçari italian ka sulmuar dy femrat në zonën përballë stacionit të trenit. Banues në Legnano dhe i droguar, 29-vjeçari tashmë ishte nën trajtim në repartin e Psikiatrisë të spitalit Garbagnate Milanese.
