Policia greke ka arrestuar 11 anëtarë të një bande kriminale, për trafik droge ku pesë nga të arrestuarit janë shtetas shqiptare, pesë shtetas grekë dhe një rumun, të moshave nga 29 deri në 63 vjeç.
Raportohet se një nga të arrestuarit, dyshohet se ishte përgjegjës për gjetjen dhe sjelljen e kokainës në Greqi, për shpërndarjen më tej nga anëtarët e tjerë të bandës.
Gjatë kontrollit u sekuestruan 1 kg e 521 gram kokainë, 5 kg e 700 gr kanabis e papërpunuar, lëndë narkotike dhe sasi e vogël hashashi, 4 automjete, 1 pistoletë, 75 sfera, 25.855 euro, 3 lira të arta, kartëmonedha të ndryshme, 8 peshore, 32 celularë dhe 1 sistem ndjekës me 4 kamera. Të arrestuarit ndodhen në prokurorinë e Athinës.
