Një person është vrarë dhe dy të tjerë janë plagosur, teksa tentonin që të kalonin kufirin për në Greqi. Ngarja e rëndë ka ndodhur në fshatin Braçanj të Devollit, ku tre personat janë sulmuar me sende të forta dhe më pas iu janë marrë sendet personale nga disa autorë ende të paidentifikuar.
Konkretisht viktima të sulmit kanë rënë shtetasit: M.V., 40 vjeç nga Nizhavec i Pogradecit, Zarif Alliu, 44 vjeç nga Vërdova e Pogradecit; si dhe D.SH., 40 vjeç, metën të plagosur.
Dy shtetasit e parë janë transportuar menjëherë për në Spitalin Rajonal të Korçës, por si pasojë e plagëve të marra, Zarif Alliu nuk ka mundur të mbijetojë, duke ndërruar jetë në spital.
Ndërkohë, në Komisariatin e Devollit shtetasi D.SH. po merret në pyetje mbi këtë ngjarje. Policia po punon për sqarimin e rrethanave të ngjarjes, identifikimin dhe kapjen e autorëve.
