Vasili: Komapnia do të këshojë për çështje të rëndësishme si dhe do të zhvillojë sondazhe mbi çështje me ndjeshmëri të lartë publike
Lëvizja Socialiste për Integrim, ka nënshkruar një kontratë me një kompani amerikane, konsulente për çështjet madhore të saj. Kompania amerikane do të asistojë LSI-në për reformën në drejtësi apo çështje të tjera që kanë të bëjnë me transparencën, zhvillimin ekonomik të vendit, çështje të sigurisë, politikat e zhvillimit bujqësor, etj.
Kryetari i Grupit Parlamentar të LSI-së, Petrit Vasili, konfirmoi se partia e tij është e vetmja që ka kryer një proces transparence për financimet e saj. Për këtë arsye, kjo partia ka kontraktuar për një periudhë disamujore edhe kompaninë amerikane.” LSI ka vendosur që për një periudhë të shkurtër disamujore të asistohet nga një kompani konsulence e mirënjohur amerikane, Global Security and Innovative Service. Kjo kompani do të këshillojë LSI-në për një periudhë të shkurtër, në mënyrë të veçantë për çështjet madhore”, tha Vasili.
Kompania do të bëjë edhe sondazhe të ndryshme për të qenë sa më afër shqetësimeve të qytetarëve.”Janë çështje që kërkojnë një asistencë dhe një këshillim të kualifikuar. Për këtë LSI ka vendosur që të asistohet në nivelin më të mirë të mundshëm dhe për këto arsye brenda buxhetit që ajo disponon, ka vendosur që të vërë një pjesë të këtij buxheti, ta shpenzoje për këshillim te kualifikuar dhe sondazhe mbi çështje me ndjeshmëri të lartë publike”, tha Vasili.
