Gjykata Kushtetuese ka pezulluar ligjin e vetingut, vendim që u mor në mbledhjen e gjyqtarëve.
Gjykata Kushtetuese do t’i drejtohet Komisionit të Venecias për vendimin përfundimtar.
Krahas deklarimit të ligjit të “Vetting”-ut si antikushtetues, Partia Demokratike kërkoi nga Gjykata Kushtetuese që të vendosë pezullimin e zbatimit të ligjit, ndërsa kërkohet një opinion edhe nga Komisioni i Venecias.
Për opozitën, ligji i vlerësimit bie ndesh me Kushtetutën në disa aspekte dhe organet e reja të vlerësimit vihen nën mbikëqyrjen e kontrollin e qeverisë, pasi telekomunikimet dhe të ardhurat financiare të anëtarëve të tyre kontrollohen në mënyrë periodike nga agjenci në varësi të qeverisë, siç është Drejtoria e Përgjithshme e Parandalimit të Pastrimit të Parave.
Krahas opozitës, Kushtetueses iu drejtua edhe Unioni i Gjyqtarëve, që një ditë më parë kërkoi që kërkesa e tyre t’i bashkohet asaj të PD si palë e interesuar.
