Policia arrestoi sot dy persona tek Fusha e Aviacionit në Tiranë me akuzën e gjobëvënies.
Mësohet se të arrestuarit janë Nikolin Fili i njohur edhe me emrin Aldo Tafa si edhe Eugen Liçi, i njohur ndryshe si Gentian Goxhaj (Vasili). Ata u kapën teksa i kishin vendosur gjobë 21 mijë euro ish-shokut të tyre Alvaro Saliaj me pretendimin se ai ua kishte borxh.
“Si rezultat i operacionit, në afërsi të Fushës së Aviacionit, është bërë i mundur bllokimi i automjetit me të cilin qarkullonin dy shtetasit e dyshuar N. F. alias A. T., 37 vjeç, banues në Durrës, i shpallur në kërkim policor nga Komisariati i Policisë Nr. 2 dhe E. L. alias G. G., 43 vjeç, banues në Tiranë, i kërkuar në Itali, pasi Gjykata e Milanos ka lëshuar urdhër-arresti, për kryerjen e veprave penale “Bashkëpunim kriminal, me qëllim trafik droge”, njofton policia.
