Një ushtar në repartin e Gërhotit ka humbur jetën, si pasojë e një aksidenti të rëndë të ndodhur në hyrje të Urës së Viroit, në Gjirokastër.
Ushtari Sokol Lushaj, 25 vjeç nga Tepelena, ishte duke u kthyer në shtëpi pasi ka lënë shërbimin, kur mjeti që drejtonte ka dalë nga rruga në vendin e quajtur Kthesa e Viroit.
Gjithashtu nga aksidendi ka mbetur i plagosur dhe një person tjetër i cili ka marrë plagë të rënda dhe gjendet në situatë kritike për jetën në spitalin e Gjirokastrës. Ai po udhëtonte në një automjet bashkë me viktimën.
Aksidenti ka ndodhur si pasojë se mjeti tip Benz Mercedes i drejtuar nga 25 vjeçari, ka goditur bordurën anësore, në hyrje të Urës së Viroit dhe ka përfunduar në anën e poshtme të rrugës.
