Punimet për aeroportin e Vlorës do të nisin brenda këtij viti. Kjo ka qenë deklarata e Ministrit të Infrastrukturës dhe Energjitikës, Damian Gjiknuri.
Sipas ministrit aeroport i Vlorës do të jetë edhe më i madh se aeroporti i Rinasit ndërsa theksoi se janë të interesuara tre kompani turke, shumë të njohura që po punojnë edhe në aeroportin e Stambollit.
“Ky investim ka një ofertë prej 100 milionë euro dhe do të jetë tërësisht privat, pa asnjë investim nga shteti. Gjithashtu po përfundojmë edhe studimin e fizibilitetit të aeroportit të Sarandës, i cili së bashku me aeroportin e Vlorës do të jetë një investim tepër i madh për zonën e Jugut”, u shpreh Gjiknuri.
