Koleksionisti i veprave të artit Gjergji Thimo ka rrëfyer versionin e tij mbi veprat e artit të sekuestruara nga policia, në emisionin “Fol me mua fol me ata” në TVSH.
Thimo ka treguar se ka krijuar 23 ekspozita të sponsorizuara nga shteti, ambasada amerikane nga Këshilli i Europës, duke vërtetuar kështu se veprimtaria e tij ishte e ligjshme dhe shteti e njihte.
Thimo kishte 3000 objekte, 1700 prej të cilave të çertifikuara, të tjerat në proces, sepse nuk kishte të ardhura të vazhdonte regjistrimin e tyre.
Koleksionisti akuzon drejtëpërdrejtë ministren e Kulturës, Mirela Kumbaron dhe politikanin Koço Kokëdhima si personat kryesorë që kanë ndërhyrë në vjedhjen e veprave të artit të tij dhe familjes së tij.
Ai gjithashtu akuzon dhe dy prokurorë me emër në drejtësinë shqiptare, Petrit Fushën dhe Ervin Karanxhën, duke humbur shpresat se çështja e tij mund të zgjidhet nga drejtësia shqiptare.
