Kuvendi i Kosovës ka miratuar pasditen e sotme me 79 vota pro dhe asnjë votë kundër rezolutën për krimet gjatë periudhës së luftës mes Serbisë dhe Kosovës.
Kjo rezolutë dënon krimet e kryer nga serbër gjatë luftës në Kosovë në periudhën 1998-1999.
Viti 2019 shënon 20 vjetorin e këtyre krimeve në Kosovë. Kjo është hera e parë që institucionet e Kosovës miratojnë një rezolutë të tillë, megjithëse për të është diskutuar që nga përfundimi i luftës.
Për miratimin e kësaj Rezolute ka reaguar dhe presidenti Hashim Thaçi i cili shprehet se tashmë që institucionet e drejtësisë janë në duart e kosovarëve.
“E mirëpres miratimin e Rezolutës së Kuvendit të Kosovës, e cila dënon gjenocidin e shtetit serb në Kosovë. E para, rezoluta i quan me emrin e vërtetë: GJENOCID! – krimet e Serbisë në Kosovë. Dhe e dyta, rezoluta kërkon drejtësi për viktimat dhe të gjithë qytetarët e Kosovës. Krimet e luftës as nuk vjetrohen dhe as nuk amnistohen. Tani që institucionet e drejtësisë janë në duart e kosovarëve, ne duhet ta gjejmë mënyrën e duhur që drejtësia të veprojë kundër të gjithë atyre që kanë kryer krime në Kosovë”, shkruan Thaçi.
