Si në çdo kohë lufte, edhe në këtë rast të pandemisë COVID-19 ka persona që kërkojnë të përfitojnë sa më shumë nga njerëzit që vuajnë.
Doza gjaku “të imunizuar” të pretenduara se vijnë nga pacientë të shëruar nga koronavirusi, po shiten në rrjetet ilegale të internetit në vend të vaksinës.
Por gjaku nuk është i vetmi produkt që ofrojnë këta mashtrues, pasi po shiten edhe vaksina dhe kura me vlera deri në 15 mijë euro, së bashku me maska, doreza dhe kostume mbrojtëse.
Në një raportim të Institutit Australian të Kriminologjisë, thuhet se një këto faqe në internet mund të arrihen shumë shpejtë me disa kërkime të thjeshta, të cilat po përdoren nga grupet kriminale për tregtimin e artikujve të ndaluar, shkruan The Sun.
Studiuesi Rod Broadhurst tha se nëse një gjak i tillë injektohet te dikush, ai rrezikohet të preket nga virusi.
Në një studim tjetër nga analistët Ghost Data, më shumë se 10,000 llogari në Instagram, u gjetën duke shitur produkte që thonë se mposhtin COVID-19.
Shkencëtarët besojnë se një vaksinë mund të jetë deri në një vit larg, kështu që dikush që shet një të tillë në internet ka të ngjarë të jetë një mashtrues.
