Për disa ditë me radhë, pakënaqësia ka shpërthyer midis qytetarëve të Bjellorusisë, të cilët kanë ngritur zërin e tyre kundër regjimit të presidentit Aleksandër Lukashenko.
Regjimi i Lukashenkos po bën gjithçka për të shuar protestat, ku dhe së fundmi ka kërkuar edhe ndërhyrjen e Rusisë.
Por çfarë bie në sy është një fakt i potencuar nga analisti bjellorus Franak Viacorka, sipas të cilit, të pranishëm, “në ndihmë të autoriteteve bjelloruse” kishin shkuar edhe ushtarë serbë,.
Këtë pretendim të tillë, ai e ka ilustruar edhe përmes disa fotografive, që i ka publikuar në profilin e tij në Twitter.
“Kam bërë një hulumtim të vogël, duket se forcat speciale serbe ishin të pranishëm në Bjellorusi dhe se ata mund të merrnin pjesë në ‘prishjen’ e protestave në Bjellorusi. Ushtarë serbë janë parë edhe sot në Brest”, ka shkruar Viacorka. /oranews.tv
I made my little investigation, it seems the Serbian Special Operations Unit was present and could participate at the protest crackdown in Belarus. Serbian soldiers were also seen in Brest. today. pic.twitter.com/PzzyNmk6Q9
— Franak Viačorka (@franakviacorka) August 15, 2020
