Pasardhësi i familejs mbretërore dhe aktorja Elja Zaharia kanë shpallur 8 tetorin e këtij viti ditën e ceremonisë e cila pritet të jetë madhështorë
Kjo është ftesa e dasmës së princit Leka, pasardhës i familjes mbretërore, me aktoren Elja Zaharia. Ata kanë shpallur 8 tetorin e këtij viti, si ditën e dasmës. Çifti ndodhet në Vjenë dhe po merret me përgatitjet e dasmës, e cila pritet të jetë madhështore siç i takon një familje mbretërore.
Princ Leka dhe e fejuara e tij Elja Zaharia kanë pubplikuar në facebook, ftesën e dizenjuar nga Avni delvina, pasardhës i Hiqmet Delvinës, dikur ministër drejtësie në qeverinë e Ahmet Zogut dhedëshmitar në dasmën e tij.
Në profilin e tij në facebook, ka publikuar një fotografi të dasmës së Ahmet Zogut me mbretërteshën Geraldinë dhe në krah të tyre është edhe ministri i drejtësisë Hiqmet Delvina. “Historia përsëritet në mënyrën e vet shkruan Princ Leka” por thekson se asgjë nuk është rastësi. Pëmes një mesazhi të shoqëruar me këto fotografi, Princi jep detaje të përgatitjes së ceremonisë duke nisur nga ftesat.
“Të dashur miq! Dëshiroj të ndaj me ju disa fotografi të marra gjatë plotësimit të ftesave nga artisti i mirënjohur Z. Avni Delvina. Përveç punës së tij si piktor dhe grafist, këtë herë ai me mjeshtëri te veçantë po përkushtohet në kaligrafinë e emrave të ftuarve. Por, ajo që e bën akoma më të veçantë dhe simbolik këtë moment kaq të bukur të përgatitjeve, është historia që i lidh dy familjet tona. Ne foton e dasmës së gjyshërve të mi, Mbretit dhe Mbretëreshës, është pikërisht paraardhësi i tij i nderuar, Z. Hiqmet Delvina, asokohe ministër drejtësie, para të cilit Cifti Mbretëror firmos aktin e martesë.
Historia përsëritet në mënyrën e saj, asgjë nuk është rastësi…
Ju uroj një fundjavë të mbarë!”, shkruan Princ Leka.
